Սերգեյ Լшզարևը հուզիչ և զգացմունքային գրառում է կատարել հայուհի Արփի Աբգարյանի մասին |МедиаМесс
05 նոյեմբերի 2024, 23:22
«Ну ка все вместе» նախագծի հատուկ թողարկման ժամանակ անսպասելի իրավիճակ է տեղի ունեցել: Թողարկման հյուրն էր կոմպոզիտոր և պրոդյուսեր Իգոր Կրուտոյը:
Տասնյակ վառ մասնակիցներ երգեցին Իգոր Կրուտոյի սուպեր հիթերը: Հաղթած մասնակցին Իգոր Կրուտոյը երգ պիտի նվիրեր: Շատ թեժ մրցակցության արդյունքում ընտրվեց 2 հաղթող՝ Արփի Աբգարյանը և Դարիա Խրամովան:
Արփի Աբգարյանի ելույթի ժամանակ 100 ժյուրիից մեկ անդամ չէր ուզում սեղմել կոճակը և կանգնել: Ելույթի ժամանակ նախագծի ղեկավար Սերգեյ Լազարևն իջավ ժյուրիի մոտ և սեղմեց կոճակը, ինչից հետո ժյուրին՝ Լև Ռուդինը լքեց տաղավարը: Նրան ի վերջո փոխարինեց նախագծի հաղորդավար Նիկոլայ Բասկովը։ Սերգեյ Լազարևի այս արարքից հետո հնարավորություն տրվեց Արփի Աբգարյանին, որ նրան Իգոր Կրուտոյը ևս երգ նվիրի:
«Ես պարզապես չկարողացա ինձ զսպել, ես զգացմունքային եմ», - ասել է Լազարևը:
«Արփին վաղուց մրցանակներ է վաստակել մեր շոուում (երկու անգամ բրոնզե մեդալակիր), և նա այլևս հարյուրավոր ճանաչման կարիք չունի (նա ինքն արդեն փորձագետ է), լիակատար երջանկության համար նրան անհրաժեշտ էր միայն կոմպոզիտոր Իգոր Կրուտոյի երգը, որով ես օգնեցի. մի փոքր՝ ավելացնելով, որ ունի 1 ձայն «միշտ դժգոհ» փորձագետից, ով միշտ կողմնակալ է եղել իր նկատմամբ շոուի ժամանակ և երբեք ոտքի չի կանգնել: Նրա ներկայությամբ նա ապրիորի երբեք հաղթող չէր լինի. ահա թե ինչ եմ ես անվանում «անարդար» դատողություն և «երկակի ստանդարտներ», - արդարացել է Լազարևն իր անձնական միկրոբլոգում։ Արվեստագետը նշեց նաև, որ վաղուց դժգոհ է շոուի որոշ փորձագետների կողմնակալությունից և հույս հայտնեց, որ ապագայում ավելի օբյեկտիվ են դատելու։ Լազարևը հավելել է, որ երկու երգերն էլ կներկայացվեն նոյեմբերի 11-ին Կրեմլի պալատում շոուի լավագույն մասնակիցների համերգին։