Հայ շախմատիստները նվաճել են 3 ոսկե և 2 բրոնզե մեդալ |МедиаМесс
Սպորտ 27 օգոստոսի 2024, 21:11
Չեխիայի մայրաքաղաք Պրահայում անցկացված 2024 թվականի Եվրոպայի պատանիների արագ և կայծակնային շախմատի առաջնությունում հայ շախմատիստները նվաճել են 3 ոսկե և 2 բրոնզե մեդալ։ Այս մասին հայտնում է ՀՇՖ-ի պաշտոնական կայքը։
ՖԻԴԵ-ի վարպետ Ալեքս Սահակյանը դարձել է Եվրոպայի մինչև 18 տարեկան պատանիների արագ շախմատի չեմպիոն:
Սոնա Կրկյաշարյանը դարձել է Եվրոպայի մինչև 14 տարեկան աղջիկների կայծակնային շախմատի չեմպիոն:
Սոֆիա Բաղրամյանը դարձել է Եվրոպայի մինչև 8 տարեկան աղջիկների կայծակնային շախմատի չեմպիոն, ինչպես նաև արագ շախմատի բրոնզե մեդալակիր:
Եվրոպայի մինչև 10 տարեկան պատանիների արագ շախմատի թիմային առաջնությունում Հայաստանի թիմը դարձել է բրոնզե մեդալակիր: Թիմը ներկայացնում էին Դավիթ Մելքոնյանը, Աշոտ Ավետիսյանը, Արմեն Վարդանյանը և Սլավա Կոնջորյանը:
Թիմի ղեկավարն է եղել ՖԻԴԵ-ի վարպետ Տիգրան Գասպարյանը: