Մի՛ հանձնվեք, հավատացեք ձեր երազանքներին. «Նոր Ալիք 2024» մրցույթում հաղթել է Հայաստանը ներկայացրած Անահիտ Հակոբյանը |МедиаМесс
Ժամանց 27 օգոստոսի 2024, 20:55
Սոչիում կայացած «Նոր Ալիք 2024» երիտասարդ կատարողների միջազգային մրցույթում հաղթել է Հայաստանը ներկայացնող երգչուհի Անահիտ Հակոբյանը։
Երգչուհին գրառում է արել «Ինստագրամ»-ի իր էջում և շնորհակալություն հայտնել իր աջակիցներին:
«Մի՛ հանձնվեք, միշտ հավատացեք ձեր երազանքներին ու քրտնաջան աշխատեք, և վերջ: Շնորհակալ եմ, Տե՛ր։ Պապ ջան, սա դեռ սկիզբն է. անվերջ հպարտանալու առիթներ ես ունենալու»,- գրել է երգչուհին։
Անահիտ Հակոբյանն արժանացել է ժյուրիի անդամների առավելագույն գնահատականին՝ մրցութային 3 օրերին հավաքելով 222 միավոր։
Վերջին մրցույթային օրը նա կատարել է կոմպոզիտոր Սյուզաննա Թովմասյանի հեղինակած «Իմ ուղին» երգը:
Մրցույթի պաշտոնական պարգևատրման արարողությունը տեղի կունենա օգոստոսի 27-ին: