«Ինչո՞ւ է թանկացել հեղուկ գազը»․ ՄՊՀ նախագահի պարզաբանումը |МедиаМесс
Հայաստան Տնտեսություն 18 հուլիսի 2024, 14:12
Ինչո՞ւ է թանկացել հեղուկ գազը։ Հարցը լրագրողներն այսօր ուղղեցին Մրցակցության պաշտպանության հանձնաժողովի նախագահ Գեղամ Գևորգյանին․ «Հեղուկ գազի շուկայում բորսայի գները բարձրացել են, հետևաբար ՀՀ ներկրվող ապրանքների և ներքին շուկայի գները ևս բարձրացել են»,-պատասխանեց Գևորգյանը՝ նշելով, որ, վերջին թարմացված տեղեկատվությամբ, հեղուկ գազ ներմուծող ընկերությունների քանակը 98 է դարձել։ «Տնտեսվարող սուբյեկտների քանակը կարծում եմ շատ է և շուկան՝ ցածր կենտրոնացված, ուղղակի բորսայի գներն են բարձրացել։ Ամեն մեկը տարբեր գներով է առնում՝ 104-110 դրամի սահմաններում՝ կախված ծավալից։ Երբ այդ գնին գումարում ենք ծախսերը՝ տեսնում ենք, որ այսօրվա գները նույնն են։ Բենզինի շուկայի մասով մենք ունենք գործընթաց, որը շուտով կավարտենք, կարծում ենք՝ այնտեղ առերևույթ չարաշահում եղել է։ Մի փորձեք բենզինի շուկայի գները համեմատել այլ երկների հետ, վերցրեք նայեք բորսայի գները։ Ձեր ուզածը ի՞նչ է, որ մենք կանչենք տնտեսվարողին, ասենք՝ 120 դրամով առնում ես, արի 50 դրամով ներքին շուկայում գազ վաճառի՞»,-ասաց Գևորգյանը։