Աղջիկն աղբն է նետել ընկերոջ 8 հազար բիթքոյնով կոշտ սկավառակը |МедиаМесс

Բրիտանիայի Նյուպորտ քաղաքի աղբավայրում, որտեղ 8 հազար բիթքոյնով սկավառակ կա, ցանկապատ է կառուցվել և պահակներ տեղակայվել։ Այս մասին հայտնում է Daily Mail-ը։ 

Կրիպտոարժույթի նախկին սեփականատերը 38-ամյա ՏՏ մասնագետ Ջեյմս Հաուելսն է։ Սկավառակը հայտնվել է աղբարկղում՝ նրա ընկերուհու պատճառով 2013 թվականին։ Հոուելսը տարիներ է ծախսել՝ փորձելով գտնել այն։ Ի վերջո, նա պարզել է, որ սկավառակը գտնվում է Նյուպորտի աղբավայրում: Հաղորդվում է, որ դրա արժեքը ներկայումս գնահատվում է £1.5 միլիարդ։

Կորած բիթքոյնները գտնելու համար հարկավոր է տեսակավորել 100 հազար տոննա աղբ։ Հաուելսը պատրաստ է դա անել, սակայն քաղաքային իշխանությունները հրաժարվում են նրան ընդառաջ գնալ՝ նույնիսկ փողի դիմաց։ Հենց նրանց նախաձեռնությամբ աղբավայրը ցանկապատվել է և այնտեղ պահակներ են տեղակայվել՝ խանգարելով Հաուելսին շարունակել որոնումները։

«Այստեղ գործում է 24 ժամյա անվտանգություն։ Այստեղ բոլոր աշխատողները գիտեն, թե ինչ կարող է թաղված լինել բլրի տակ՝ աղբի մեջ։ Բայց խնդիրն այն է, որ պարզ չէ, թե որտեղից սկսել փնտրել։ Այս երկու փոքր բլուրները զբաղեցնում են մի քանի ակր: Նրանք երբեք չեն գտնի այն»,– ասել է տղամարդը։