Ալեն Սիմոնյանը գործուղումների կմեկնի. նրան կփոխարինի Ռուբեն Ռուբինյանը |МедиаМесс
Քաղաքականություն 16 մարտի 2024, 14:56
ՀՀ ԱԺ նախագահ Ալեն Սիմոնյանը կարգադրություն է ստորագրել «ԱԺ նախագահի պարտականությունների ժամանակավոր կատարման մասին», որում նշված է.
«Ղեկավարվելով «Ազգային ժողովի կանոնակարգ» սահմանադրական օրենքի 6-րդ հոդվածի 2-րդ մասի 3-րդ կետով և հաշվի առնելով Ազգային ժողովի նախագահի 2024 թվականի մարտի 4-ի Կ-61-Ա և մարտի 12-ի Կ-66-Ա կարգադրությունները՝ կարգադրում եմ.
1. 2024 թվականի մարտի 19-25-ը Ազգային ժողովի նախագահի պարտականությունների ժամանակավոր կատարումը հանձնարարել Ազգային ժողովի նախագահի տեղակալ Ռուբեն Ռուբինյանին»:
Նշենք, որ ԱԺ նախագահի` ավելի վաղ ստորագրած կարգադրությամբ` Եվրանեսթ խորհրդարանական վեհաժողովի 11-րդ լիագումար նստաշրջանին մասնակցելու համար 2024 թվականի մարտի 19-21-ը Ալեն Սիմոնյանի գլխավորած պատվիրակությունը կմեկնի Բրյուսել (Բելգիայի Թագավորություն):
Միջխորհրդարանական միության 148-րդ վեհաժողովին մասնակցելու համար 2024 թվականի մարտի 22-25-ը Ալեն Սիմոնյանի գլխավորած պատվիրակությունը կմեկնի Ժնև (Շվեյցարիայի Համադաշնություն):