Որ թվականի քարտեզներով է կատարվում սահմանազատումը․ հարց՝ Նիկոլ Փաշինյանին |МедиаМесс

Նիկոլ Փաշինյանի խոսքով՝ Ալմաթիի հռչակագիրը՝ որպես Հայաստանի և Ադրբեջանի միջև սահմանազատման բազային սկզբունք, ընդունում է և՛ Հայաստանը, և Ադրբեջանը:

Այս մասին նա հայտարարեց հրավիրված ասուլիսի ժամանակ՝ արձագանքելով հարցին, թե ավելի քան երկու շաբաթ է՝ ընթանում է Տավուշի ու Ղազախի սահմանազատումը, ի վերջո, ո՞ր թվականի ու ի՞նչ քարտեզներով է արվում դա, և ինչո՞ւ չի հանրայնացվում գործընթացը:

«Ինչ վերաբերում է սահմանազատման բուն գործընթացին, պիտի արձանագրեմ հետևյալը, որ սահմանազատումը տեղի է ունենում Խորհրդային միության իրավաբանական ուժ ունեցող ամենավերջին քարտեզների հիման վրա: Ինչո՞ւ ենք խուսափում ասել՝ այ, կոնկրետ այս մի քարտեզի վրա, որովհետև նախկինում էլ ասել եմ, որ մենք չենք ուզում կոնկրետ քարտեզի թվարկմամբ սահմանափակվել, մեզ համար կարևոր է ՀՀ սահմանի պարագծի ամբողջական սահմանազատումը ապահովելուն միտված իրավական հիմքերի արտահայտումը, և, մենք, ըստ այդմ, գործում ենք նաև գործնականում»,- ասաց վարչապետը:

Փաշինյանի հավաստմամբ՝ սահմանային սյուները տեղադրվում են իրավական հիմքի վրա, և դրանք դառնում են անվտանգային երաշխիք Ոսկեպարի, Կիրանցի, Բերքաբերի, Բաղանիսի և ընդհանրապես Հայաստանի Հանրապետության համար:

Առավել մանրամասն՝ տեսանյութում: