Կիրանցում ականի վրա տրակտոր է պայթել. կա վիրավոր |МедиаМесс
Հասարակություն 24 հուլիսի 2024, 20:38
Այսօր Տավուշի մարզի Կիրանց գյուղում սահմանային աշխատանքներ կատարելու ժամանակ ականի վրա տրակտոր է պայթել, վարորդը վնասվածքներ է ստացել: Այս մասին Նյուզին է հայտնել գյուղի բնակիչներից մեկը՝ նշելով, որ վարորդը Կիրանցի բնակիչ է: «Չգիտեմ՝ ինչ աշխատանքներ էր իրականացնում, երևի թե, սահմանապահների ուղեկցությամբ էր այնտեղ գնացել: Նրան Իջևանի բժշկական կենտրոն են տեղափոխել, սակայն առողջական վիճակի մասին ոչինչ չգիտենք»,-պատմել է գյուղի բնակիչը: Լրատվականի հաղորդմամբ ԱԺ «Հայաստան» խմբակցության պատգամավոր Գառնիկ Դանիելյանը հաստատել է լուրը: Դանիելյանը նաև նշել է, որ Կիրանցի բնակիչներն իրեն հայտնել են՝ հայ և ադրբեջանցի սահմանապահների միջև օրեր առաջ վեճ էր բռնկվել՝ սահմանային հարցերի շուրջ: |