Վրաստանում թեժ է․ իշխանական պատգամավորը ջուր է լցրել ընդդիմադիր գործընկերոջ վրա |МедиаМесс
Աշխարհ 28 մայիսի 2024, 21:24
Վրաստանի խորհրդարանում, որտեղ քննարկվում է «գործակալների օրենքի» վրա նախագահ Սալոմե Զուրաբիշվիլիի վետոն, իշխող «Վրացական երազանքի» պատգամավոր Իրմա Զավրադաշվիլին ջուր է լցրել ամբիոնի մոտ կանգնած ընդդիմադիր «Ռազմավարություն Աղմաշենեբելիի» առաջնորդ Գիորգի Վաշաձեի վրա։
Նիստը վարող խորհրդարանի փոխխոսնակ Գիորգի Կախիանին նկատողություն չի արել «Վրացական երազանքի» պատգամավորին։
«Շնորհակալություն, բռավո: Սա եք դուք: Ոչինչ, այս ջուրն ինձ ոչինչ չի անում, իսկ դավաճանության ճանապարհը, որը դուք ընտրել եք, ոչինչ չի տա նաև վրաց ժողովրդին»,- ասել է Վաշաձեն՝ դիմելով Զավրադաշվիլիին:
Ի դեպ, այսօր «Վրացական երազանքը» նախատեսում է հաղթահարել նախագահ Զուրաբիշվիլիի կողմից «ռուսական օրենքի» վետոն։
Աղբյուրը՝ Aliq.ge