«Եղբայրների նման». Լուկաշենկոն մեկնաբանել է Ալիևի հետ բանակցությունները |МедиаМесс
Աշխարհ 16 մայիսի 2024, 15:59
Բելառուսի նախագահ Ալեքսանդր Լուկաշենկոն Ադրբեջանի նախագահ Իլհամ Ալիևի հետ բանակցությունների ժամանակ հայտարարել է, որ երկրների միջև փակ թեմաներ չկան, հայտնում է ԲելՏԱ-ն։
«Բելառուսը կարող է մասնակցել ազատագրված (Արցախի օկուպացված – խմբ․) տարածքների վերականգնմանը։ Մենք փակ թեմաներ չունենք։ Եթե մեկը լսեր, թե ինչ հարցեր ենք քննարկում, կմտածեր՝ ի՞նչ հարաբերություններ ունենք։ Ամենաբարի, ամենամոտ»,- ասել է Ալեքսանդր Լուկաշենկոն։
«Մենք եղբայրների պես շփվում ենք, հավասարապես հասկանում ենք աշխարհն ու թե ուր է այն շարժվում»,– նշել է նա։