Իլոն Մասկը կգա Երևան |МедиаМесс
11 հոկտեմբերի 2024, 21:28
Ամերիկացի ձեռներեց և միլիարդատեր Իլոն Մասկը հատուկ ուղերձ է հղել WCIT 2024-ի մասնակիցներին.
WCIT-ի փակման արարողությանը նրա հայտարարությունը ընթերցել է Graph Ventures վենչուրային ընկերության գործընկեր, Play Time-ի գործադիր տնօրեն Ռազմիկ Հովակիմյանը։
«Ողջույն բոլորին: Ցավում եմ, որ չկարողացա այս անգամ գալ Երևան, բայց հուսով եմ, որ դա կանեմ ապագայում: Ուրախ եմ, որ կարող եմ Starlink-ը բերել Հայաստան և աշխատել տեղական տեխնոլոգիական համայնքի հետ որոշ հետաքրքիր նախագծերի վրա՝ տիեզերքից: Բաց և թափանցիկ արհեստական ինտելեկտի զարգացման հետախուզում, որն ընդլայնում է մարդկային հասկացողության սահմանները»,- ասել է Մասկը։
Նա նաև հաստատել է, որ նախատեսում է Starlink-ի գործարկումը Հայաստանում։
«Starlink գերարագ արբանյակային ինտերնետը ներուժ ունի կտրուկ փոխելու հաղորդակցությունը, հատկապես գյուղական վայրերում, ինչը կօգնի նվազեցնել թվային բաժանումը երկրում», - ասվում է հաղորդագրության մեջ: